aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHud apna haal dil-e-mubtala se kuchh na kaha

Shaz Tamkanat

KHud apna haal dil-e-mubtala se kuchh na kaha

Shaz Tamkanat

MORE BYShaz Tamkanat

    ḳhud apnā haal dil-e-mubtalā se kuchh na kahā

    duā se haath uThā.e ḳhudā se kuchh na kahā

    kise sunā.ūñ ki nā-sāz hai junūñ mizāj

    ḳhud apne shahr āb-o-havā se kuchh na kahā

    ye kis se ishq huā kyuuñ huā ta.ajjub hai

    vo ḳhauf hai ki kisī āshnā se kuchh na kahā

    ye hosh hai ki guzar jā.egī phuvār rut

    magar ye zo.am ki uudī ghaTā se kuchh na kahā

    tire ḳhirām ko dekhā ba-chashm-e-hasrat-o-yās

    tamām umr tire naqsh-e-pā se kuchh na kahā

    khule to kaise khule rāz-e-unfuvān-e-shabāb

    hayā ne kyā tire band-e-qabā se kuchh na kahā

    vo kyā adā thī ki lahloT ho ga.e tum 'shāz'

    ġhazab kiyā usī jān-e-adā se kuchh na kahā

    KHud apna haal dil-e-mubtala se kuchh na kaha

    dua se hath uThae KHuda se kuchh na kaha

    kise sunaun ki na-saz hai junun ka mizaj

    KHud apne shahr ki aab-o-hawa se kuchh na kaha

    ye kis se ishq hua kyun hua tajjub hai

    wo KHauf hai ki kisi aashna se kuchh na kaha

    ye hosh hai ki guzar jaegi phuwar ki rut

    magar ye zoam ki udi ghaTa se kuchh na kaha

    tere KHiram ko dekha ba-chashm-e-hasrat-o-yas

    tamam umr tere naqsh-e-pa se kuchh na kaha

    khule to kaise khule raaz-e-unfuwan-e-shabab

    haya ne kya tere band-e-qaba se kuchh na kaha

    wo kya ada thi ki lahloT ho gae tum 'shaz'

    ghazab kiya usi jaan-e-ada se kuchh na kaha

    Source:

    Kulliyat-e- Shaz Tamkanat (Pg. 148)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now