KHud-farebi hai dagha-bazi hai ayyari hai
ḳhud-farebī hai daġhā-bāzī hai ayyārī hai
aaj ke daur meñ jiinā bhī adākārī hai
tum jo pardes se aao to yaqīñ aa jaa.e
ab ke barsāt ye sunte haiñ baḌī pyārī hai
mere āñgan meñ to kāñTe bhī hare ho na sake
us kī chhat pe to mahaktī huī phulvārī hai
chūḌiyāñ kāñch kī qātil na kahīñ ban jaa.eñ
sehr-añgez burī un kī gulū-kārī hai
kaash bijlī koī chamke koī bādal barse
aaj kī shaam zamīnoñ pe bahut bhārī hai
khā ga.ī garmi-e-jazbāt ko rasmoñ kī havā
aaj har shaḳhs faqat barf kī almārī hai
maiñ bhī rādhā se koī kam to nahīñ huuñ 'shabnam'
sāñvle rañg kā merā bhī to girdhārī hai
KHud-farebi hai dagha-bazi hai ayyari hai
aaj ke daur mein jina bhi adakari hai
tum jo pardes se aao to yaqin aa jae
ab ke barsat ye sunte hain baDi pyari hai
mere aangan mein to kanTe bhi hare ho na sake
us ki chhat pe to mahakti hui phulwari hai
chuDiyan kanch ki qatil na kahin ban jaen
sehr-angez buri un ki gulu-kari hai
kash bijli koi chamke koi baadal barse
aaj ki sham zaminon pe bahut bhaari hai
kha gai garmi-e-jazbaat ko rasmon ki hawa
aaj har shaKHs faqat barf ki almari hai
main bhi radha se koi kam to nahin hun 'shabnam'
sanwle rang ka mera bhi to girdhaari hai
Source:
Mausam bhiigii aa.nkho.n kaa (Pg. 52)
- Author: Rafia Shabnam Abidi
-
- Edition: 1985
- Publisher: Hassan Publications, Mumbai
- Year of Publication: 1985
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
