KHud main hi guzar ke thak gaya hun
ḳhud maiñ hī guzar ke thak gayā huuñ
maiñ kaam na kar ke thak gayā huuñ
uupar se utar ke tāza-dam thā
nīche se utar ke thak gayā huuñ
ab tum bhī to jī ke thak rahe ho
ab maiñ bhī to mar ke thak gayā huuñ
maiñ ya.anī azal kā ārmīda
lamhoñ meñ bikhar ke thak gayā huuñ
ab jaan kā merī jism shal hai
maiñ ḳhud se hī Dar ke thak gayā huuñ
KHud main hi guzar ke thak gaya hun
main kaam na kar ke thak gaya hun
upar se utar ke taza-dam tha
niche se utar ke thak gaya hun
ab tum bhi to ji ke thak rahe ho
ab main bhi to mar ke thak gaya hun
main yani azal ka aarmida
lamhon mein bikhar ke thak gaya hun
ab jaan ka meri jism shal hai
main KHud se hi Dar ke thak gaya hun
- Book : Gumaan (Poetry) (Pg. 167)
- Author : Jaun Elia
- Publication : Takhleeqar Publishers (2012)
- Edition : 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
