KHud mein utren to palaT kar wapas aa sakte nahin

Shaheen Abbas

KHud mein utren to palaT kar wapas aa sakte nahin

Shaheen Abbas

MORE BYShaheen Abbas

    ḳhud meñ utreñ to palaT kar vāpas aa sakte nahīñ

    varna kyā ham apnī gahrā.ī ko sakte nahīñ

    ḳhushbueñ kapḌoñ meñ nādīda chaman-zāroñ haiñ

    ham kahāñ se ho ke aa.e haiñ batā sakte nahīñ

    ham ne in galiyoñ meñ chalne ri.āyat hai bas

    dekh sakte haiñ hameñ ye ghar basā sakte nahīñ

    ye bharam manzar bhī hai aur pas-manzar bhī

    āḳhirī naqsh-e-tamāshā hai miTā sakte nahīñ

    naqsha-e-nā-būd uThā.e phir rahe haiñ shahr shahr

    phir rahe haiñ aur bas aage batā sakte nahīñ

    ham koī parda mukammal kar rahe haiñ der se

    aañkh chāheñ bhī to tujh par se haTā sakte nahīñ

    zindagī ham terī jānib aa rahe haiñ ek saath

    ek saath aane matlab hai ki aa sakte nahīñ

    saarī girheñ khol kar bekār ho baiThe to haiñ

    ab lagāte haiñ dobāra aur lagā sakte nahīñ

    intizārī haiñ so bām-o-dar pe bhārī bhī to haiñ

    raḳhne bhar sakte nahīñ parde girā sakte nahīñ

    alvidā'ī ik charāġhāñ aur phir ruḳhsat hameñ

    ab mazīd is raushnī par daad sakte nahīñ

    rahte rahte rah na jaa.eñ log is tasvīr ke

    ham-qadam us ke haiñ jis ke saath sakte nahīñ

    haath se nikle hue nā-vasf nā-vaqtoñ ke ham

    haath aanā chāhte haiñ aur aa sakte nahīñ

    terī jānib se uThā sakte haiñ gar paañv to kyā

    terī jānib se ham apnī ḳhaak uḌā sakte nahīñ

    KHud mein utren to palaT kar wapas aa sakte nahin

    warna kya hum apni gahrai ko pa sakte nahin

    KHushbuen kapDon mein nadida chaman-zaron ki hain

    hum kahan se ho ke aae hain bata sakte nahin

    hum ne in galiyon mein chalne ki riayat li hai bas

    dekh sakte hain hamein ye ghar basa sakte nahin

    ye bharam manzar ka bhi hai aur pas-manzar ka bhi

    aaKHiri naqsh-e-tamasha hai miTa sakte nahin

    naqsha-e-na-bud uThae phir rahe hain shahr shahr

    phir rahe hain aur bas aage bata sakte nahin

    hum koi parda mukammal kar rahe hain der se

    aankh chahen bhi to tujh par se haTa sakte nahin

    zindagi hum teri jaanib aa rahe hain ek sath

    ek sath aane ka matlab hai ki aa sakte nahin

    sari girhen khol kar bekar ho baiThe to hain

    ab lagate hain dobara aur laga sakte nahin

    intizari hain so baam-o-dar pe bhaari bhi to hain

    raKHne bhar sakte nahin parde gira sakte nahin

    alwida'i ek charaghan aur phir ruKHsat hamein

    ab mazid is raushni par dad pa sakte nahin

    rahte rahte rah na jaen log is taswir ke

    ham-qadam us ke hain jis ke sath ja sakte nahin

    hath se nikle hue na-wasf na-waqton ke hum

    hath aana chahte hain aur aa sakte nahin

    teri jaanib se uTha sakte hain gar panw to kya

    teri jaanib se hum apni KHak uDa sakte nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY