KHud nawed-e-zindagi lai qaza mere liye

Meer Anees

KHud nawed-e-zindagi lai qaza mere liye

Meer Anees

MORE BYMeer Anees

    ḳhud naved-e-zindagī laa.ī qazā mere liye

    sham-e-kushta huuñ fanā meñ hai baqā mere liye

    zindagī meñ to na ik dam ḳhush kiyā hañs bol kar

    aaj kyuuñ rote haiñ mere āshnā mere liye

    kunj-e-uzlat meñ misāl-e-āsiyā huuñ gosha-gīr

    rizq pahuñchātā hai ghar baiThe ḳhudā mere liye

    sarāpā ajr ai zāhid maiñ sar-tā-pā gunāh

    bāġh-e-jannat terī ḳhātir karbalā mere liye

    naam raushan kar ke kyūñkar bujh na jaatā misl-e-sham.a

    nā-muvāfiq thī zamāne havā mere liye

    har nafas ā.īna-e-dil se ye aatī hai sadā

    ḳhaak ho to hāsil ho jilā mere liye

    ḳhaak se hai ḳhaak ko ulfat taḌaptā huuñ 'anīs'

    karbalā ke vāste maiñ karbalā mere liye

    KHud nawed-e-zindagi lai qaza mere liye

    sham-e-kushta hun fana mein hai baqa mere liye

    zindagi mein to na ek dam KHush kiya hans bol kar

    aaj kyun rote hain mere aashna mere liye

    kunj-e-uzlat mein misal-e-asiya hun gosha-gir

    rizq pahunchata hai ghar baiThe KHuda mere liye

    tu sarapa ajr ai zahid main sar-ta-pa gunah

    bagh-e-jannat teri KHatir karbala mere liye

    nam raushan kar ke kyunkar bujh na jata misl-e-shama

    na-muwafiq thi zamane ki hawa mere liye

    har nafas aaina-e-dil se ye aati hai sada

    KHak tu ho ja to hasil ho jila mere liye

    KHak se hai KHak ko ulfat taDapta hun 'anis'

    karbala ke waste main karbala mere liye

    RECITATIONS

    Nomaan Shauque

    Nomaan Shauque

    Nomaan Shauque

    KHud nawed-e-zindagi lai qaza mere liye Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY