KHud-numai mein hi Dhaala nahin jata mujhse
ḳhud-numā.ī meñ hī Dhālā nahīñ jaatā mujh se
jaam mahfil meñ uchhālā nahīñ jaatā mujh se
pahle muTThī meñ liye phirtā thā sūraj kitne
ab to jugnū bhī sañbhālā nahīñ jaatā mujh se
log shohrat pe hī marte haiñ 'ajab duniyā hai
maiñ ki shohrat ko sañbhālā nahīñ jaatā mujh se
phuul yādoñ kā mahaktā bhī hai chubhtā bhī magar
baaġh se dil ke nikālā nahīñ jaatā mujh se
log rātoñ ko bhī kar dete haiñ raushan lekin
ḳhāna-e-dil ki ujālā nahīñ jaatā mujh se
zaḳhm sah letā huuñ jitne bhī zamāne se mileñ
ik tirā dard ki paalā nahīñ jaatā mujh se
shā'irī kal mirī pahchān huā kartī thī
ab to ik she'r nikālā nahīñ jaatā mujh se
KHud-numai mein hi Dhaala nahin jata mujh se
jam mahfil mein uchhaala nahin jata mujh se
pahle muTThi mein liye phirta tha suraj kitne
ab to jugnu bhi sanbhaala nahin jata mujh se
log shohrat pe hi marte hain 'ajab duniya hai
main ki shohrat ko sanbhaala nahin jata mujh se
phul yaadon ka mahakta bhi hai chubhta bhi magar
bagh se dil ke nikala nahin jata mujh se
log raaton ko bhi kar dete hain raushan lekin
KHana-e-dil ki ujala nahin jata mujh se
zaKHm sah leta hun jitne bhi zamane se milen
ek tera dard ki pala nahin jata mujh se
sha'iri kal meri pahchan hua karti thi
ab to ek she'r nikala nahin jata mujh se
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
