KHud par koi tufan guzar jaane ke Dar se

Hasan Aziz

KHud par koi tufan guzar jaane ke Dar se

Hasan Aziz

MORE BYHasan Aziz

    ḳhud par koī tūfān guzar jaane ke Dar se

    maiñ band huuñ kamre meñ bikhar jaane ke Dar se

    ye log mujhe ḳhuun tājir na samajh leñ

    maiñ teġh liye phirtā huuñ sar jaane ke Dar se

    har saa.e pe aahaT pe nazar rakhtā huuñ shab bhar

    bistar pe nahīñ jaatā huuñ Dar jaane ke Dar se

    maiñ TūTne detā nahīñ rañgoñ tasalsul

    zaḳhmoñ ko harā kartā huuñ bhar jaane ke Dar se

    vo maañ mohabbat bulandī thī ki us ne

    zinda na chhoḌā mujhe mar jaane ke Dar se

    kuchh jiit meñ bhī fā.eda hotā nahīñ phir bhī

    vo jañg nahīñ hārtā harjāne ke Dar se

    afsurda 'hasan' haiñ mire lashkar ke sipāhī

    us tak mire zaḳhmoñ ḳhabar jaane ke Dar se

    KHud par koi tufan guzar jaane ke Dar se

    main band hun kamre mein bikhar jaane ke Dar se

    ye log mujhe KHun ka tajir na samajh len

    main tegh liye phirta hun sar jaane ke Dar se

    har sae pe aahaT pe nazar rakhta hun shab bhar

    bistar pe nahin jata hun Dar jaane ke Dar se

    main TuTne deta nahin rangon ka tasalsul

    zaKHmon ko hara karta hun bhar jaane ke Dar se

    wo man ki mohabbat ki bulandi thi ki us ne

    zinda hi na chhoDa mujhe mar jaane ke Dar se

    kuchh jit mein bhi faeda hota nahin phir bhi

    wo jang nahin haarta harjaane ke Dar se

    afsurda 'hasan' hain mere lashkar ke sipahi

    us tak mere zaKHmon ki KHabar jaane ke Dar se

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY