KHud-sar tha KHud-gharaz bhi tha wo bad-mizaj bhi

ḳhud-sar thā ḳhud-ġharaz bhī thā vo bad-mizāj bhī

Thukrā chukā hai is liye us ko samāj bhī

rahtā huuñ duur ḳhud hī maiñ duniyā kī bhiiḌ se

miltā nahīñ har ek se merā mizāj bhī

ye aur baat jī na sake ham sukūn se

marne na deñge chain se rasm-o-rivāj bhī

jo thā fuzūl-ḳharch vo bad-hāl hī rahā

kam ḳharch jis kā thā vo hai ḳhush-hāl aaj bhī

tan khokhlā hai us kā nashīlī davāoñ se

bachche haiñ bhūke ghar meñ nahīñ hai anaaj bhī

sach bolne pe mujh se zamāna huā ḳhafā

pahnā diyā gayā mujhe kāñToñ kā taaj bhī

us ne diloñ pe kī hai hukūmat ḳhulūs se

ḳhātir meñ vo na laayā kabhī taḳht-o-tāj bhī

'rā'nā' talāsh kar unheñ mil jā.eñge tujhe

zinda-zamīr log haiñ duniyā meñ aaj bhī

KHud-sar tha KHud-gharaz bhi tha wo bad-mizaj bhi

Thukra chuka hai is liye us ko samaj bhi

rahta hun dur KHud hi main duniya ki bhiD se

milta nahin har ek se mera mizaj bhi

ye aur baat ji na sake hum sukun se

marne na denge chain se rasm-o-riwaj bhi

jo tha fuzul-KHarch wo bad-haal hi raha

kam KHarch jis ka tha wo hai KHush-haal aaj bhi

tan khokhla hai us ka nashili dawaon se

bachche hain bhuke ghar mein nahin hai anaj bhi

sach bolne pe mujh se zamana hua KHafa

pahna diya gaya mujhe kanTon ka taj bhi

us ne dilon pe ki hai hukumat KHulus se

KHatir mein wo na laya kabhi taKHt-o-taj bhi

'ra'na' talash kar unhen mil jaenge tujhe

zinda-zamir log hain duniya mein aaj bhi