KHud se mat hona KHafa rohit kabhi

ḳhud se mat honā ḳhafā 'rohit' kabhī

varna pā.egā sazā 'rohit' kabhī

ab zamāne meñ kahāñ ahl-e-nazar

aañkh se pardā uThā 'rohit' kabhī

sab kahānī hai yahāñ kirdār kī

ḳhud se mat ḳhud ko chhupā 'rohit' kabhī

kaun kahtā hai ki vo suntā nahīñ

dil se bhī detā sadā 'rohit' kabhī

zindagī meñ laakh ġham pahle se haiñ

dil kisī se mat lagā 'rohit' kabhī

vaqt kī hai sab kahānī yaad rakh

qarz ḳhud kā bhī chukā 'rohit' kabhī

kab talak ab saath degī zindagī

maut se bhī dil lagā 'rohit' kabhī

KHud se mat hona KHafa 'rohit' kabhi

warna paega saza 'rohit' kabhi

ab zamane mein kahan ahl-e-nazar

aankh se parda uTha 'rohit' kabhi

sab kahani hai yahan kirdar ki

KHud se mat KHud ko chhupa 'rohit' kabhi

kaun kahta hai ki wo sunta nahin

dil se bhi deta sada 'rohit' kabhi

zindagi mein lakh gham pahle se hain

dil kisi se mat laga 'rohit' kabhi

waqt ki hai sab kahani yaad rakh

qarz KHud ka bhi chuka 'rohit' kabhi

kab talak ab sath degi zindagi

maut se bhi dil laga 'rohit' kabhi