خود سے مت ہونا خفا روہتؔ کبھی

خود سے مت ہونا خفا روہتؔ کبھی

ورنہ پائے گا سزا روہتؔ کبھی

اب زمانے میں کہاں اہل نظر

آنکھ سے پردا اٹھا روہتؔ کبھی

سب کہانی ہے یہاں کردار کی

خود سے مت خود کو چھپا روہتؔ کبھی

کون کہتا ہے کہ وہ سنتا نہیں

دل سے بھی دیتا صدا روہتؔ کبھی

زندگی میں لاکھ غم پہلے سے ہیں

دل کسی سے مت لگا روہتؔ کبھی

وقت کی ہے سب کہانی یاد رکھ

قرض خود کا بھی چکا روہتؔ کبھی

کب تلک اب ساتھ دے گی زندگی

موت سے بھی دل لگا روہتؔ کبھی