خدا جانے دل کو مرے کیا ہوا ہے

خدا جانے دل کو مرے کیا ہوا ہے

تمہیں سے خفا ہے تمہیں پر فدا ہے

تغافل ہی انجام سے اپنے بہتر

تری بے رخی سے مری ابتدا ہے

میں خود معنیٔ حسن ہوں اے ستم گر

مگر کچھ جدائی میں تیری مزا ہے

مرا دل ہے مرکز تمہارے ستم کا

کسی پر کیا تم نے مجھ پر ہوا ہے

میں اس دور ہستی میں وہ دائرہ ہوں

کہ ہر انتہا پر مری ابتدا ہے

نہ کچھ کہہ سکا میں نہ سمجھے وہی کچھ

بہت دیر سوچا کہ کیا مدعا ہے

مجھے اپنے ہونے کے ہیں لاکھ شکوے

کیا تم سے شکوہ یہ اپنا گلہ ہے

ہے مردود دیر اور کعبے سے فارغ

نہ مومن نہ کافر یہ دل کیا بلا ہے

میں ہر فلسفے کی حقیقت ہوں میکشؔ

میں جس میں نہیں فلسفہ ہی وہ کیا ہے