KHuda ke is qadar nazdik jaana paD raha hai

ḳhudā ke is qadar nazdīk jaanā paḌ rahā hai

use mansab hameñ īmāñ bachānā paḌ rahā hai

jise ham zindagī-bhar yaad rakhnā chāhte the

bahut tezī se vo chehra purānā paḌ rahā hai

raqībo tum ruko mumkin hai vo haath aa hī jaa.e

hameñ to ḳhair jaldī lauT jaanā paḌ rahā hai

kisī par der se kholā thā dil kā raaz ham ne

kisī ko vaqt se pahle batānā paḌ rahā hai

kahāñ ḳhātir meñ laatā thā vo merī sādgī ko

use pahle kā ik chehra dikhānā paḌ rahā hai

KHuda ke is qadar nazdik jaana paD raha hai

use mansab hamein iman bachana paD raha hai

jise hum zindagi-bhar yaad rakhna chahte the

bahut tezi se wo chehra purana paD raha hai

raqibo tum ruko mumkin hai wo hath aa hi jae

hamein to KHair jaldi lauT jaana paD raha hai

kisi par der se khola tha dil ka raaz hum ne

kisi ko waqt se pahle batana paD raha hai

kahan KHatir mein lata tha wo meri sadgi ko

use pahle ka ek chehra dikhana paD raha hai