KHuda ke waste ab be-ruKHi se kaam na le

Sahir Bhopali

KHuda ke waste ab be-ruKHi se kaam na le

Sahir Bhopali

MORE BYSahir Bhopali

    ḳhudā ke vāste ab be-ruḳhī se kaam na le

    taḌap ke phir koī dāman ko tere thaam na le

    bas ek sajda-e-shukrāna pā-e-sāqī par

    ye mai-kada hai yahāñ par ḳhudā naam na le

    vafā to kaisī jafā bhī nahīñ hai ab ham par

    ab itnā saḳht mohabbat se intiqām na le

    zamāne bhar meñ haiñ charche mirī tabāhī ke

    maiñ Dar rahā huuñ kahīñ koī terā naam na le

    miTā do shauq se mujh ko magar kahīñ tum se

    zamāna merī tabāhī intiqām na le

    maiñ jānūñ jab ki bujhā de tishnagī dil

    vagarna aaj se dariyā dilī naam na le

    nahīñ vo husn jo āshiq ko shād-kām kare

    nahīñ vo ishq jo nākāmiyoñ se kaam na le

    rakhūñ umīd-e-karam us se ab maiñ kyā 'sāhir'

    ki jab nazar se bhī zālim mirā salām na le

    KHuda ke waste ab be-ruKHi se kaam na le

    taDap ke phir koi daman ko tere tham na le

    bas ek sajda-e-shukrana pa-e-saqi par

    ye mai-kada hai yahan par KHuda ka nam na le

    wafa to kaisi jafa bhi nahin hai ab hum par

    ab itna saKHt mohabbat se intiqam na le

    zamane bhar mein hain charche meri tabahi ke

    main Dar raha hun kahin koi tera nam na le

    miTa do shauq se mujh ko magar kahin tum se

    zamana meri tabahi ka intiqam na le

    main jaanun jab ki bujha de tu tishnagi dil ki

    wagarna aaj se dariya dili ka nam na le

    nahin wo husn jo aashiq ko shad-kaam kare

    nahin wo ishq jo nakaamiyon se kaam na le

    rakhun umid-e-karam us se ab main kya 'sahir'

    ki jab nazar se bhi zalim mera salam na le

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY