خدا کی مجھ پہ نصرت ہو رہی ہے
غزل کہنے پہ قدرت ہو رہی ہے
جسے دیکھو وہی تلوار سا ہے
محبت اب غنیمت ہو رہی ہے
دعا دے کر گیا تھا ایک سائل
مری روٹی میں برکت ہو رہی ہے
صلہ بس یہ ملا ترک وطن کا
ہماری گھر میں وقعت ہو رہی ہے
وہ سب سے مل رہا ہے اتنا جھک کر
جہاں جتنی ضرورت ہو رہی ہے
گل و گلزار شعلے ہو رہے ہیں
حقیقت محو حیرت ہو رہی ہے
قلقؔ لب پر تبسم دل میں کینہ
پس الفت عداوت ہو رہی ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
