خدا کو بھی نہیں دل مانتا ہے
خدا کو بھی نہیں دل مانتا ہے
محبت ہی محبت جانتا ہے
کہیں ہو لڑ ہی جاتی ہیں نگاہیں
وہ دل کو دل اسے پہچانتا ہے
کلید باغ اس کے بخت میں ہے
پڑا جو خاک صحرا چھانتا ہے
دیار غم ہے فرعونوں کی بستی
کوئی کس کو یہاں گردانتا ہے
کل اس سے پوچھ لیں گے حال ہے کیا
بہت جو آج سینہ تانتا ہے
کہیں سے ڈھونڈ کر لاؤ جگرؔ کو
علاج درد دل وہ جانتا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.