KHuda se use mang kar dekhte hain

ḳhudā se use maañg kar dekhte haiñ

phir apnī duā kā asar dekhte haiñ

hamīñ haiñ musāfir hamīñ ābla-pā

tamāsha ai gard-e-safar dekhte haiñ

faqīrī faqīrī faqīrī faqīrī

na jannat na duniyā na ghar dekhte haiñ

idhar aa ai husn-e-tamannā idhar aa

nazar bhar tujhe ik nazar dekhte haiñ

kisī aks meñ ab vo bāñdheñge mujh ko

churā kar nazar shīshagar dekhte haiñ

na jaane kahāñ miT ga.e naqsh-e-jāñ

chalo aaj phir soch kar dekhte haiñ

hamāre hī ghar se nikaltā hai aksar

jise log shām-o-sahar dekhte haiñ

kaḌā imtihāñ chaak par thā nazar kā

abhī tak vo raqs-e-hunar dekhte haiñ

KHuda se use mang kar dekhte hain

phir apni dua ka asar dekhte hain

hamin hain musafir hamin aabla-pa

tamasha ai gard-e-safar dekhte hain

faqiri faqiri faqiri faqiri

na jannat na duniya na ghar dekhte hain

idhar aa ai husn-e-tamanna idhar aa

nazar bhar tujhe ek nazar dekhte hain

kisi aks mein ab wo bandhenge mujh ko

chura kar nazar shishagar dekhte hain

na jaane kahan miT gae naqsh-e-jaan

chalo aaj phir soch kar dekhte hain

hamare hi ghar se nikalta hai aksar

jise log sham-o-sahar dekhte hain

kaDa imtihan chaak par tha nazar ka

abhi tak wo raqs-e-hunar dekhte hain