KHumar-e-mausam-e-KHushbu had-e-chaman mein khula

Mohsin Naqvi

KHumar-e-mausam-e-KHushbu had-e-chaman mein khula

Mohsin Naqvi

MORE BYMohsin Naqvi

    ḳhumār-e-mausam-e-ḳhushbū had-e-chaman meñ khulā

    mirī ġhazal ḳhazāna tire badan meñ khulā

    tum us husn kabhī us bazm meñ dekho

    ki māhtāb sadā shab ke pairahan meñ khulā

    ajab nasha thā magar us baḳhshish-e-lab meñ

    ki yuuñ to ham se bhī kyā kyā na vo suḳhan meñ khulā

    na pūchh pahlī mulāqāt meñ mizāj us

    vo rañg rañg meñ simTā kiran kiran meñ khulā

    badan chaap nigah zabāñ bhī hotī hai

    ye bhed ham pe magar us anjuman meñ khulā

    ki jaise abr havā girah se khul jaa.e

    safar shaam mirā mehrbāñ thakan meñ khulā

    kahūñ maiñ kis se nishānī thī kis masīhā

    vo ek zaḳhm ki 'mohsin' mire kafan meñ khulā

    KHumar-e-mausam-e-KHushbu had-e-chaman mein khula

    meri ghazal ka KHazana tere badan mein khula

    tum us ka husn kabhi us ki bazm mein dekho

    ki mahtab sada shab ke pairahan mein khula

    ajab nasha tha magar us ki baKHshish-e-lab mein

    ki yun to hum se bhi kya kya na wo suKHan mein khula

    na puchh pahli mulaqat mein mizaj us ka

    wo rang rang mein simTa kiran kiran mein khula

    badan ki chap nigah ki zaban bhi hoti hai

    ye bhed hum pe magar us ki anjuman mein khula

    ki jaise abr hawa ki girah se khul jae

    safar ki sham mera mehrban thakan mein khula

    kahun main kis se nishani thi kis masiha ki

    wo ek zaKHm ki 'mohsin' mere kafan mein khula

    Source :
    • Book : Kulliyat-e-mohsin (Pg. 869)
    • Author : Mohsin Naqvi
    • Publication : Mavra Publishers (2010)
    • Edition : 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now