خوشی بھی اب سراپا غم لگے ہے
خوشی بھی اب سراپا غم لگے ہے
توجہ آپ کی کچھ کم لگے ہے
کوئی ہم دم نہیں دنیا میں لیکن
جسے دیکھو وہی ہم دم لگے ہے
میں ہوں مجبور اپنے دل سے مجھ کو
پرایا غم بھی اپنا غم لگے ہے
بہاریں ہیں چمن میں گل بداماں
خزاں کا سا مگر موسم لگے ہے
جدھر دیکھو ادھر شبنم کے آنسو
چمن کیا ہے صف ماتم لگے ہے
ہر اک مجبور سے کہہ دو یہ اسعدؔ
ہر اک مغرور کا سر خم لگے ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
