KHushi bhi kis ne kaha wajh-e-gham nahin hoti

Jahanzeb Sahir

KHushi bhi kis ne kaha wajh-e-gham nahin hoti

Jahanzeb Sahir

MORE BYJahanzeb Sahir

    ḳhushī bhī kis ne kahā vaj.h-e-ġham nahīñ hotī

    batā vo shaam jo shām-e-alam nahīñ hotī

    ham us jagah pe kirā.e ke ghar meñ rahte haiñ

    hamārī raa.e kabhī mohtaram nahīñ hotī

    tire ḳhayāl ke aate lauTne se lagā

    har ek chiiz udāsī meñ zam nahīñ hotī

    jhuke hue haiñ ye sar to kisī musībat meñ

    ye ik faqīr gardan hai ḳham nahīñ hotī

    jo tere saath mohabbat thī mar ga.ī hai vo

    magar jo tujh se aqīdat hai kam nahīñ hotī

    maiñ apne dukh meñ barābar sharīk huuñ lekin

    bas ek mas.ala hai aañkh nam nahīñ hotī

    batā rahī haiñ parindoñ hijrateñ 'sāhir'

    koī tabāhī kabhī ek dam nahīñ hotī

    KHushi bhi kis ne kaha wajh-e-gham nahin hoti

    bata wo sham jo sham-e-alam nahin hoti

    hum us jagah pe kirae ke ghar mein rahte hain

    hamari rae kabhi mohtaram nahin hoti

    tere KHayal ke aate hi lauTne se laga

    har ek chiz udasi mein zam nahin hoti

    jhuke hue hain ye sar to kisi musibat mein

    ye ek faqir ki gardan hai KHam nahin hoti

    jo tere sath mohabbat thi mar gai hai wo

    magar jo tujh se aqidat hai kam nahin hoti

    main apne dukh mein barabar sharik hun lekin

    bas ek masala hai aankh nam nahin hoti

    bata rahi hain parindon ki hijraten 'sahir'

    koi tabahi kabhi ek dam nahin hoti

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY