KHushi na mil saki aankhen meri pur-ab rahin

Abrar Abid

KHushi na mil saki aankhen meri pur-ab rahin

Abrar Abid

MORE BYAbrar Abid

    ḳhushī na mil sakī āñkheñ mirī pur-āb rahīñ

    ḳhayāl-o-ḳhvāb bāteñ ḳhayāl-o-ḳhvāb rahīñ

    sahar huī na mire shahr-e-ārzū meñ kabhī

    ki mehr-e-husn kirneñ pas-e-naqāb rahīñ

    unhī ke dam se hai qaa.em vaqār-e-sajda-e-shukr

    vo log jin sadā qismateñ ḳharāb rahīñ

    kisī ne bhī dar-e-ehsās apnā na kiyā

    dukhe diloñ sadā.eñ na kāmyāb rahīñ

    sukūñ se rahte haiñ kis tarah log duniyā meñ

    mire liye to ye sāñseñ bhī ik azaab rahīñ

    rah-e-vafā meñ nigāhoñ se ho ga.iiñ ojhal

    jo sūrateñ mirī āñkhoñ intiḳhāb rahīñ

    base hue haiñ mire ḳhvāb jin meñ ai 'ābid'

    vo bastiyāñ to hamesha zer-e-āb rahīñ

    KHushi na mil saki aankhen meri pur-ab rahin

    KHayal-o-KHwab ki baaten KHayal-o-KHwab rahin

    sahar hui na mere shahr-e-arzu mein kabhi

    ki mehr-e-husn ki kirnen pas-e-naqab rahin

    unhi ke dam se hai qaem waqar-e-sajda-e-shukr

    wo log jin ki sada qismaten KHarab rahin

    kisi ne bhi dar-e-ehsas apna wa na kiya

    dukhe dilon ki sadaen na kaamyab rahin

    sukun se rahte hain kis tarah log duniya mein

    mere liye to ye sansen bhi ek azab rahin

    rah-e-wafa mein nigahon se ho gain ojhal

    jo suraten meri aankhon ka intiKHab rahin

    base hue hain mere KHwab jin mein ai 'abid'

    wo bastiyan to hamesha hi zer-e-ab rahin

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY