KHushi yaad aai ki gham yaad aae

Kunwar Mahendra Singh Bedi Sahar

KHushi yaad aai ki gham yaad aae

Kunwar Mahendra Singh Bedi Sahar

MORE BYKunwar Mahendra Singh Bedi Sahar

    ḳhushī yaad aa.ī ki ġham yaad aa.e

    magar tum hameñ dam-ba-dam yaad aa.e

    jo tum yaad aa.e to ġham yaad aa.e

    jo ġham yaad aa.e to ham yaad aa.e

    chhiḌā zikr jab un ke jaur-o-sitam

    mujhe un ke lākhoñ karam yaad aa.e

    mohabbat meñ ik vaqt aisā bhī guzrā

    na tum yaad aa.e na ham yaad aa.e

    falak par jo dekhe mah-o-mehr-o-anjum

    hameñ apne naqsh-e-qadam yaad aa.e

    muqaddar ko jab bhī sañvārā hai ham ne

    tirī zulf ke pech-o-ḳham yaad aa.e

    ajab kashmakash hai ki jiinā na marnā

    'sahar' us se kah do ki kam yaad aa.e

    KHushi yaad aai ki gham yaad aae

    magar tum hamein dam-ba-dam yaad aae

    jo tum yaad aae to gham yaad aae

    jo gham yaad aae to hum yaad aae

    chhiDa zikr jab un ke jaur-o-sitam ka

    mujhe un ke lakhon karam yaad aae

    mohabbat mein ek waqt aisa bhi guzra

    na tum yaad aae na hum yaad aae

    falak par jo dekhe mah-o-mehr-o-anjum

    hamein apne naqsh-e-qadam yaad aae

    muqaddar ko jab bhi sanwara hai hum ne

    teri zulf ke pech-o-KHam yaad aae

    ajab kashmakash hai ki jina na marna

    'sahar' us se kah do ki kam yaad aae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY