خوشی یاد آئی کہ غم یاد آئے

خوشی یاد آئی کہ غم یاد آئے

مگر تم ہمیں دم بہ دم یاد آئے

جو تم یاد آئے تو غم یاد آئے

جو غم یاد آئے تو ہم یاد آئے

چھڑا ذکر جب ان کے جور و ستم کا

مجھے ان کے لاکھوں کرم یاد آئے

محبت میں اک وقت ایسا بھی گزرا

نہ تم یاد آئے نہ ہم یاد آئے

فلک پر جو دیکھے مہ و مہر و انجم

ہمیں اپنے نقش قدم یاد آئے

مقدر کو جب بھی سنوارا ہے ہم نے

تری زلف کے پیچ و خم یاد آئے

عجب کشمکش ہے کہ جینا نہ مرنا

سحرؔ اس سے کہہ دو کہ کم یاد آئے