KHushk daman pe barasne nahin deti mujhko

Raza Mauranvi

KHushk daman pe barasne nahin deti mujhko

Raza Mauranvi

MORE BYRaza Mauranvi

    ḳhushk dāman pe barasne nahīñ detī mujh ko

    merī ġhairat kabhī rone nahīñ detī mujh ko

    ek ḳhvāhish hai jo muddat se galā ghoñTe hai

    ik tamannā hai jo marne nahīñ detī mujh ko

    zindagī roz nayā dard sunātī hai magar

    apne aañsū kabhī chhūne nahīñ detī mujh ko

    dil to ahbāb se milne ko bahut chāhtā hai

    muflisī ghar se nikalne nahīñ detī mujh ko

    kuchh to kānoñ ko satātā hai ye tanhā.ī shor

    kuchh mirī ḳhāmushī sone nahīñ detī mujh ko

    fikr ġhurbat mire pīchhe paḌī ho jaise

    chain se luqma nigalne nahīñ detī mujh ko

    le to aatī hai zarūrat mujhe bāzāroñ tak

    ik anā hai ki jo bikne nahīñ detī mujh ko

    itnā ehsān to kartī hai 'razā' mujh pe hayāt

    TuuT jā.ūñ to bikharne nahīñ detī mujh ko

    KHushk daman pe barasne nahin deti mujh ko

    meri ghairat kabhi rone nahin deti mujh ko

    ek KHwahish hai jo muddat se gala ghonTe hai

    ek tamanna hai jo marne nahin deti mujh ko

    zindagi roz naya dard sunati hai magar

    apne aansu kabhi chhune nahin deti mujh ko

    dil to ahbab se milne ko bahut chahta hai

    muflisi ghar se nikalne nahin deti mujh ko

    kuchh to kanon ko satata hai ye tanhai ka shor

    kuchh meri KHamushi sone nahin deti mujh ko

    fikr ghurbat ki mere pichhe paDi ho jaise

    chain se luqma nigalne nahin deti mujh ko

    le to aati hai zarurat mujhe bazaron tak

    ek ana hai ki jo bikne nahin deti mujh ko

    itna ehsan to karti hai 'raza' mujh pe hayat

    TuT jaun to bikharne nahin deti mujh ko

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY