خوگر روئے خوش جمال ہیں ہم
خوگر روئے خوش جمال ہیں ہم
ناز پروردۂ وصال ہیں ہم
ہم کو یوں رائیگاں نہ کر دینا
حاصل فصل ماہ و سال ہیں ہم
رنگ ہی رنگ خوشبو ہی خوشبو
گردش ساغر خیال ہیں ہم
رونق کاروبار ہستی ہیں
ہم نے مانا شکستہ حال ہیں ہم
مال و زر، مال و زر کی قیمت کیا
صاحب دولت کمال ہیں ہم
کس کی رعنائی خیال ہے تو
تیری رعنائی جمال ہیں ہم
ایسے دیوانے پھر نہ آئیں گے
دیکھ لو ہم کو بے مثال ہیں ہم
دولت حسن لا زوال ہے تو
دولت عشق لا زوال ہیں ہم
مأخذ:
Ek Khvaab Aur (Pg. 163)
- مصنف: علی سردار جعفری
-
- ناشر: حلقۂ ادب، ممبئی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
