KHun thukegi zindagi kab tak

ḳhuun thūkegī zindagī kab tak

yaad aa.egī ab tirī kab tak

jaane vāloñ se pūchhnā ye sabā

rahe ābād dil-galī kab tak

ho kabhī to sharāb-e-vasl nasīb

piye jā.ūñ maiñ ḳhuun hī kab tak

dil ne jo umr-bhar kamā.ī hai

vo dukhan dil se jā.egī kab tak

jis meñ thā soz-e-ārzū us kā

shab-e-ġham vo havā chalī kab tak

banī-ādam kī zindagī hai azaab

ye ḳhudā ko rulā.egī kab tak

hādisa zindagī hai aadam kī

saath degī bhalā ḳhushī kab tak

hai jahannum jo yaad ab us kī

vo bahisht-e-vajūd thī kab tak

vo sabā us ke bin jo aa.ī thī

vo use pūchhtī rahī kab tak

mīr-'jaunī' zarā batā.eñ to

ḳhud meñ Thahreñge aap hī kab tak

hāl-e-sahn-e-vajūd Thahregā

terā hañgām-e-ruḳhsatī kab tak

KHun thukegi zindagi kab tak

yaad aaegi ab teri kab tak

jaane walon se puchhna ye saba

rahe aabaad dil-gali kab tak

ho kabhi to sharab-e-wasl nasib

piye jaun main KHun hi kab tak

dil ne jo umr-bhar kamai hai

wo dukhan dil se jaegi kab tak

jis mein tha soz-e-arzu us ka

shab-e-gham wo hawa chali kab tak

bani-adam ki zindagi hai azab

ye KHuda ko rulaegi kab tak

hadisa zindagi hai aadam ki

sath degi bhala KHushi kab tak

hai jahannum jo yaad ab us ki

wo bahisht-e-wajud thi kab tak

wo saba us ke bin jo aai thi

wo use puchhti rahi kab tak

mir-'jauni' zara bataen to

KHud mein Thahrenge aap hi kab tak

haal-e-sahn-e-wajud Thahrega

tera hangam-e-ruKHsati kab tak