KHwab ka aks kahan KHwab ki tabir mein hai

Urooj Zaidi Badayuni

KHwab ka aks kahan KHwab ki tabir mein hai

Urooj Zaidi Badayuni

MORE BYUrooj Zaidi Badayuni

    ḳhvāb aks kahāñ ḳhvāb ta.abīr meñ hai

    mujh ko ma.alūm hai jo kuchh mirī taqdīr meñ hai

    merī rūdād-e-mohabbat ko na sunñe vaale

    tujh meñ vo baat kahāñ jo tirī tasvīr meñ hai

    paikar-e-ḳhāk bhī huuñ bā.is-e-kaunain bhī huuñ

    kitnā ījāz numāyāñ mirī tafsīr meñ hai

    phuul ban kar bhī ye ehsās shagūfe ko nahīñ

    merī taḳhrīb pahlū mirī ta.amīr meñ hai

    husn ke saath tujhe husn-e-vafā bhī miltā

    isī halqe zarūrat tirī zanjīr meñ hai

    vus.at-e-dāman-e-rahmat qasam khātā huuñ

    uzr-e-taqsīr bhī dāḳhil-e-had-e-taqsīr meñ hai

    ek tahdār ye misra.a hai javāb-e-ḳhat meñ

    kis qadar shoḳh-bayānī tirī tahrīr meñ hai

    kyā tamāshā hai ye ai pā-e-junūn-e-rusvā

    kabhī zanjīr se bāhar kabhī zanjīr meñ hai

    jaane kab us pe ujāle ko taras aa.egā

    vo siyah-posh fazā jo mirī taqdīr meñ hai

    guftugū hotī hai aksar shab-e-tanhā.ī meñ

    ek ḳhāmosh takallum tirī tasvīr meñ hai

    merī nazroñ meñ yahī husn-e-taġhazzul hai 'urūj'

    sher-goī mazā pairvī-e-'mīr' meñ hai

    KHwab ka aks kahan KHwab ki tabir mein hai

    mujh ko malum hai jo kuchh meri taqdir mein hai

    meri rudad-e-mohabbat ko na sunne wale

    tujh mein wo baat kahan jo teri taswir mein hai

    paikar-e-KHak bhi hun bais-e-kaunain bhi hun

    kitna ijaz numayan meri tafsir mein hai

    phul ban kar bhi ye ehsas shagufe ko nahin

    meri taKHrib ka pahlu meri tamir mein hai

    husn ke sath tujhe husn-e-wafa bhi milta

    isi halqe ki zarurat teri zanjir mein hai

    wusat-e-daman-e-rahmat ki qasam khata hun

    uzr-e-taqsir bhi daKHil-e-had-e-taqsir mein hai

    ek tahdar ye misra hai jawab-e-KHat mein

    kis qadar shoKH-bayani teri tahrir mein hai

    kya tamasha hai ye ai pa-e-junun-e-ruswa

    kabhi zanjir se bahar kabhi zanjir mein hai

    jaane kab us pe ujale ko taras aaega

    wo siyah-posh faza jo meri taqdir mein hai

    guftugu hoti hai aksar shab-e-tanhai mein

    ek KHamosh takallum teri taswir mein hai

    meri nazron mein yahi husn-e-taghazzul hai 'uruj'

    sher-goi ka maza pairwi-e-'mir' mein hai

    Source:

    • Book : Lahje ke Chiraag (Pg. 133)
    • Author : Urooj Zaidi
    • Publication : Irfan Zaidi, Rampur (1989)
    • Edition : 1989
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY