خواب کی بستی میں افسانے کا گھر
خواب کی بستی میں افسانے کا گھر
شمع کی لو پر ہے پروانے کا گھر
بن گئے آخر حریف بال و پر
دام کی دیوار اور دانے کا گھر
آپ بھی سنگ تعقل پھینکیے
آئنہ خانہ ہے دیوانے کا گھر
میں جنون عشق اور صحرائے غم
تو عدو کی بزم بیگانے کا گھر
عقل و دانش علم و عرفاں فکر و ہوش
کن حصاروں میں ہے فرزانے کا گھر
ہو گئے گمراہ کچھ میری طرح
ڈھونڈتے ہیں شیخ پیمانے کا گھر
قسمت طرزیؔ یہی جاگیر تھی
شہر غم کہئے کہ ویرانے کا گھر
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
