KHwab mein bhi meri zanjir-e-safar ka jagna
ḳhvāb meñ bhī merī zanjīr-e-safar kā jāgnā
aañkh kyā lagnā ki ik saudā-e-sar kā jāgnā
agle din kyā hone vaalā thā ki ab tak yaad hai
intizār-e-sub.h meñ vo saare ghar kā jāgnā
bastiyoñ se shab-navardoñ kā chalā jaanā magar
raat bhar ab bhī charāġh-e-rahguzar kā jāgnā
āḳhirī ummīd kā mahtāb jal bujhne ke ba.ad
merā so jaanā mire dīvār-o-dar kā jāgnā
phir havāoñ se kisī imkān kī milnā naved
phir lahū meñ ārzū-e-tāza-tar kā jāgnā
ek din us lams ke asrār khulnā jism par
ek shab is ḳhaak meñ barq-o-sharar kā jāgnā
is kā harf-e-muḳhtasar bedāriyoñ kā silsila
lafz meñ ma.anī kaa, ma.anī meñ asar kā jāgnā
be-navā patte bhī āyāt-e-numū paḌhte hue
tum ne dekhā hai kabhī shāḳh-e-shajar kā jāgnā
yak-ba-yak har raushnī kā Duub jaanā aur phir
āsmāñ par ik tilsm-e-sīm-o-zar kā jāgnā
KHwab mein bhi meri zanjir-e-safar ka jagna
aankh kya lagna ki ek sauda-e-sar ka jagna
agle din kya hone wala tha ki ab tak yaad hai
intizar-e-subh mein wo sare ghar ka jagna
bastiyon se shab-nawardon ka chala jaana magar
raat bhar ab bhi charagh-e-rahguzar ka jagna
aaKHiri ummid ka mahtab jal bujhne ke baad
mera so jaana mere diwar-o-dar ka jagna
phir hawaon se kisi imkan ki milna nawed
phir lahu mein aarzu-e-taza-tar ka jagna
ek din us lams ke asrar khulna jism par
ek shab is KHak mein barq-o-sharar ka jagna
is ka harf-e-muKHtasar bedariyon ka silsila
lafz mein mani ka, mani mein asar ka jagna
be-nawa patte bhi aayat-e-numu paDhte hue
tum ne dekha hai kabhi shaKH-e-shajar ka jagna
yak-ba-yak har raushni ka Dub jaana aur phir
aasman par ek tilsm-e-sim-o-zar ka jagna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.