KHwab ne rakh liya fasane mein

ḳhvāb ne rakh liyā fasāne meñ

tum ne tāḳhīr kī jagāne meñ

is zamīñ ko falak banāne meñ

maiñ bhī shāmil thā ik zamāne meñ

tere kirdār ko uThāne meñ

mujh ko marnā paḌā fasāne meñ

kaam karte haiñ roz-o-shab sāhab

ham mohabbat ke kār-ḳhāne meñ

bām-o-dar dushmanoñ ke sāthī the

mujh ko dīvār se lagāne meñ

ishq meñ thoḌī sī suhulat thī

hazrat-e-qais ke zamāne meñ

dīn-o-duniyā se jaanā paḌtā hai

dil ko dīvāngī banāne meñ

vaqt hī har taraf rukāvaT hai

lā-makāñ se makāñ banāne meñ

aag ke darmiyān baiThe haiñ

qissa-ḳhvānī ke chā.e-ḳhāne meñ

maktab-e-ishq meñ sabaq paḌhne

log ā.eñge har zamāne meñ

KHwab ne rakh liya fasane mein

tum ne taKHir ki jagane mein

is zamin ko falak banane mein

main bhi shamil tha ek zamane mein

tere kirdar ko uThane mein

mujh ko marna paDa fasane mein

kaam karte hain roz-o-shab sahab

hum mohabbat ke kar-KHane mein

baam-o-dar dushmanon ke sathi the

mujh ko diwar se lagane mein

ishq mein thoDi si suhulat thi

hazrat-e-qais ke zamane mein

din-o-duniya se jaana paDta hai

dil ko diwangi banane mein

waqt hi har taraf rukawaT hai

la-makan se makan banane mein

aag ke darmiyan baiThe hain

qissa-KHwani ke chae-KHane mein

maktab-e-ishq mein sabaq paDhne

log aaenge har zamane mein