aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHwahish-e-sharbat-e-didar karun ya na na karun

Fakhir Lakhnavi

KHwahish-e-sharbat-e-didar karun ya na na karun

Fakhir Lakhnavi

MORE BYFakhir Lakhnavi

    ḳhvāhish-e-sharbat-e-dīdār karūñ na na karūñ

    maiñ ilāj-e-dil-e-bīmār karūñ na karūñ

    talab-e-vasl pe isrār karūñ na karūñ

    bose le kar use bezār karūñ na karūñ

    naale shab ko pas-e-dīvār karūñ na karūñ

    ḳhvāb se yaar ko bedār karūñ na karūñ

    mujh se kahte haiñ batāo to mire sar qasam

    murġh-e-dil ko maiñ giraftār karūñ na karūñ

    ilāhī mujhe is meñ hai taraddud kal se

    dil ye maiñ pesh-kash-e-yār karūñ na karūñ

    chhīn kar dil mire pahlū se na le jaa.e kahīñ

    tark maiñ ulfat-e-dildār karūñ na karūñ

    yā-ilāhī kahīñ asrār na hoveñ is meñ

    tā.ir-e-dil maiñ giraftār karūñ na karūñ

    saḳht mushkil mujhe darpesh huī hai kal se

    aaj ishq-e-but-e-pindār karūñ na karūñ

    nīche talvār ke sābit-qadamī mushkil hai

    sar ke dene maiñ iqrār karūñ na karūñ

    ḳhauf mujh ko hai ki nāzuk hai tabī.at un

    bose lene pe maiñ isrār karūñ na karūñ

    paar dil na kahīñ tīr-e-nazar ho jaa.e

    āñkheñ us shoḳh se maiñ chaar karūñ na karūñ

    ātish-e-hijr se dil merā jalāyā tum ne

    muñh se maiñ āh-e-sharar-bār karūñ na karūñ

    mere dil se hai ye ik rashk-e-zuleḳhā savāl

    misl yūsuf ke tujhe pyaar karūñ na karūñ

    va.ada-e-vasl jo us se ba-qasam letā huuñ

    dil se kahte haiñ maiñ iqrār karūñ na karūñ

    aap raa.e hai kyā hazrat-e-mūsā is meñ

    tuur par ḳhvāhish-e-dīdār karūñ na karūñ

    qabr meñ shāna hilā kar vo mirā kahte haiñ

    ḳhvāb-e-ġhaflat se maiñ bedār karūñ na karūñ

    bevafā ek talab kartā hai mujh se 'fāḳhir'

    dil ke dene meñ maiñ inkār karūñ na karūñ

    KHwahish-e-sharbat-e-didar karun ya na na karun

    main ilaj-e-dil-e-bimar karun ya na karun

    talab-e-wasl pe israr karun ya na karun

    bose le kar use bezar karun ya na karun

    nale shab ko pas-e-diwar karun ya na karun

    KHwab se yar ko bedar karun ya na karun

    mujh se kahte hain batao to mere sar ki qasam

    murgh-e-dil ko main giraftar karun ya na karun

    ya ilahi mujhe is mein hai taraddud kal se

    dil ye main pesh-kash-e-yar karun ya na karun

    chhin kar dil mere pahlu se na le jae kahin

    tark main ulfat-e-dildar karun ya na karun

    ya-ilahi kahin asrar na howen is mein

    tair-e-dil main giraftar karun ya na karun

    saKHt mushkil mujhe darpesh hui hai kal se

    aaj ishq-e-but-e-pindar karun ya na karun

    niche talwar ke sabit-qadami mushkil hai

    sar ke dene ka main iqrar karun ya na karun

    KHauf mujh ko hai ki nazuk hai tabiat un ki

    bose lene pe main israr karun ya na karun

    par dil ki na kahin tir-e-nazar ho jae

    aankhen us shoKH se main chaar karun ya na karun

    aatish-e-hijr se dil mera jalaya tum ne

    munh se main aah-e-sharar-bar karun ya na karun

    mere dil se hai ye ek rashk-e-zuleKHa ka sawal

    misl yusuf ke tujhe pyar karun ya na karun

    wada-e-wasl jo us se ba-qasam leta hun

    dil se kahte hain main iqrar karun ya na karun

    aap ki rae hai kya hazrat-e-musa is mein

    tur par KHwahish-e-didar karun ya na karun

    qabr mein shana hila kar wo mera kahte hain

    KHwab-e-ghaflat se main bedar karun ya na karun

    bewafa ek talab karta hai mujh se 'faKHir'

    dil ke dene mein main inkar karun ya na karun

    Source:

    Karnama-e-Nazm (Pg. 151)

    • Author: Fakhir Lakhnavi
      • Publisher: Munshi Nawal Kishor, Lucknow
      • Year of Publication: 1889
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now