kis dil se tark-e-lazzat-e-duniya kare koi

Yagana Changezi

kis dil se tark-e-lazzat-e-duniya kare koi

Yagana Changezi

MORE BYYagana Changezi

    kis dil se tark-e-lazzat-e-duniyā kare koī

    vo ḳhvāb-e-dil-fareb ki dekhā kare koī

    kyā sahl hai ki tark-e-tamāshā kare koī

    dil se na ho to aañkh se tauba kare koī

    ġhunche ke dil meñ kuchh na thā ik aah ke sivā

    phir kyā shaguftagī tamannā kare koī

    āñkheñ hoñ jis ke āñkhoñ āñkhoñ meñ taaḌ le

    dard apnā vo nahīñ ki TaTolā kare koī

    dil muztarib nigāh giraftār-e-shash-jahat

    farmā.iye kidhar irāda kare koī

    yādash ba-ḳhair yād-e-ḳhudā aa jaatī hai

    apnī taraf se laakh bhulāyā kare koī

    is nigāh-e-shauq ke qurbān jā.iye

    tujh aise be-nishāñ ko jo paidā kare koī

    taa.at ho gunāh pas-e-parda ḳhuub hai

    donoñ jab maza hai ki tanhā kare koī

    bande na hoñge jitne ḳhudā haiñ ḳhudā.ī meñ

    kis kis ḳhudā ke sāmne sajda kare koī

    husn-e-'yagānā' aap apnā hijāb hai

    husn-e-hijāb duur se dekhā kare koī

    kis dil se tark-e-lazzat-e-duniya kare koi

    wo KHwab-e-dil-fareb ki dekha kare koi

    kya sahl hai ki tark-e-tamasha kare koi

    dil se na ho to aankh se tauba kare koi

    ghunche ke dil mein kuchh na tha ek aah ke siwa

    phir kya shaguftagi ki tamanna kare koi

    aankhen hon jis ke aankhon hi aankhon mein taD le

    dard apna wo nahin ki TaTola kare koi

    dil muztarib nigah giraftar-e-shash-jahat

    farmaiye kidhar ka irada kare koi

    yaadash ba-KHair yaad-e-KHuda aa hi jati hai

    apni taraf se lakh bhulaya kare koi

    is ki nigah-e-shauq ke qurban jaiye

    tujh aise be-nishan ko jo paida kare koi

    taat ho ya gunah pas-e-parda KHub hai

    donon ka jab maza hai ki tanha kare koi

    bande na honge jitne KHuda hain KHudai mein

    kis kis KHuda ke samne sajda kare koi

    husn-e-'yagana' aap hi apna hijab hai

    husn-e-hijab dur se dekha kare koi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now