kis ki aankh mein dekhen kaun hum ko pahchane

kis kī aañkh meñ dekheñ kaun ham ko pahchāne

shahr to purānā hai log par haiñ anjāne

apnī jholī meñ le kar tere dar pe baiThe haiñ

'umr bhar kamāyā jo sab haiñ tere nazrāne

kyā tumheñ batā.eñ ab kis jahāñ se guzreñ haiñ

kho ga.e ḳhudā saare TuuTe haiñ parī-ḳhāne

kāġhazī hukūmat hai 'ājizī rivāyat hai

sar-ba-sar ġharībī haiñ aur sulagte kāshāne

manziloñ kī socheñ kyā rāstoñ meñ uljhe haiñ

jā-ba-jā udāsī hai kū-ba-kū haiñ afsāne

vahshatoñ kī garmī meñ dard ham ko saayā hai

riit ham se bantī hai ġham hamāre paimāne

ek to tirī ḳhushbū pairahan se lipTe haiñ

āñkheñ phir haiñ mai-ḳhāne zulfeñ jaise ḳhas-ḳhāne

zauq sab ke shāhī haiñ shauq sab ke ūñche haiñ

ye 'aves' sayyad haiñ ye haiñ is ke yārāne

kis ki aankh mein dekhen kaun hum ko pahchane

shahr to purana hai log par hain anjaane

apni jholi mein le kar tere dar pe baiThe hain

'umr bhar kamaya jo sab hain tere nazrane

kya tumhein bataen ab kis jahan se guzren hain

kho gae KHuda sare TuTe hain pari-KHane

kaghazi hukumat hai 'ajizi riwayat hai

sar-ba-sar gharibi hain aur sulagte kashane

manzilon ki sochen kya raston mein uljhe hain

ja-ba-ja udasi hai ku-ba-ku hain afsane

wahshaton ki garmi mein dard hum ko saya hai

rit hum se banti hai gham hamare paimane

ek to teri KHushbu pairahan se lipTe hain

aankhen phir hain mai-KHane zulfen jaise KHas-KHane

zauq sab ke shahi hain shauq sab ke unche hain

ye 'awes' sayyad hain ye hain is ke yarane