kis ki aankhon ka liye dil pe asar jate hain

Akhtar Shirani

kis ki aankhon ka liye dil pe asar jate hain

Akhtar Shirani

MORE BYAkhtar Shirani

    kis āñkhoñ liye dil pe asar jaate haiñ

    mai-kade haath baḌhāte haiñ jidhar jaate haiñ

    dil meñ armān-e-visāl aañkh meñ tūfān-e-jamāl

    hosh baaqī nahīñ jaane magar jaate haiñ

    bhūltī nahīñ dil ko tirī mastāna nigāh

    saath jaatā hai ye mai-ḳhāna jidhar jaate haiñ

    pāsbānān-e-hayā kyā hue ai daulat-e-husn

    ham churā kar tirī duz-dīda nazar jaate haiñ

    pursish-e-dil to kujā ye bhī na pūchhā us ne

    ham musāfir kidhar aa.e the kidhar jaate haiñ

    chashm-e-hairāñ meñ samā.e haiñ ye kis ke jalve

    tuur har gaam pe raqsāñ haiñ jidhar jaate haiñ

    jis tarah bhūle musāfir koī sāmāñ apnā

    ham yahāñ bhuul ke dil aur nazar jaate haiñ

    kitne bedard haiñ is shahr ke rahne vaale

    raah meñ chhīn ke dil kahte haiñ ghar jaate haiñ

    agle vaqtoñ meñ luTā karte the rah-rau aksar

    ham to is ahd meñ bhī luT ke magar jaate haiñ

    faizabad se pahuñchā hameñ ye faiz 'aḳhtar'

    ki jigar par liye ham dāġh-e-jigar jaate haiñ

    kis ki aankhon ka liye dil pe asar jate hain

    mai-kade hath baDhate hain jidhar jate hain

    dil mein arman-e-visal aankh mein tufan-e-jamal

    hosh baqi nahin jaane ka magar jate hain

    bhulti hi nahin dil ko teri mastana nigah

    sath jata hai ye mai-KHana jidhar jate hain

    pasbanan-e-haya kya hue ai daulat-e-husn

    hum chura kar teri duz-dida nazar jate hain

    pursish-e-dil to kuja ye bhi na puchha us ne

    hum musafir kidhar aae the kidhar jate hain

    chashm-e-hairan mein samae hain ye kis ke jalwe

    tur har gam pe raqsan hain jidhar jate hain

    jis tarah bhule musafir koi saman apna

    hum yahan bhul ke dil aur nazar jate hain

    kitne bedard hain is shahr ke rahne wale

    rah mein chhin ke dil kahte hain ghar jate hain

    agle waqton mein luTa karte the rah-rau aksar

    hum to is ahd mein bhi luT ke magar jate hain

    faizabad se pahuncha hamein ye faiz 'aKHtar'

    ki jigar par liye hum dagh-e-jigar jate hain

    RECITATIONS

    Moin Shadab

    Moin Shadab

    Moin Shadab

    kis ki aankhon ka liye dil pe asar jate hain Moin Shadab

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY