kis ki nigah-e-shauq mein aae hue hain hum

kis kī nigāh-e-shauq meñ aa.e hue haiñ ham

nok-e-mizha pe ḳhud ko sajā.e hue haiñ ham

aañsū kī ek buuñd bhī ab aañkh meñ nahīñ

kyā jaane kis sadī ke satā.e hue haiñ ham

vo iltifāt-e-ġham kī koī dopahar sahī

lekin maza ke phuul banā.e hue haiñ ham

mumkin hai thoḌī der meñ kashtī mile hameñ

dariyā ko apnā haal sunā.e hue haiñ ham

kaise kaheñ ki fasl-e-bahārāñ na aa.egī

āñkhoñ meñ kitne ḳhvāb sajā.e hue haiñ ham

ḳhud apnī jān-e-ḳhasta hī parvāna ban ga.ī

kin hasratoñ kā diip jalā.e hue haiñ ham

mā'būd-e-zindagī hī batā.egā ai 'shamīm'

kis kis kā rang aaj uḌaa.e hue haiñ ham

kis ki nigah-e-shauq mein aae hue hain hum

nok-e-mizha pe KHud ko sajae hue hain hum

aansu ki ek bund bhi ab aankh mein nahin

kya jaane kis sadi ke satae hue hain hum

wo iltifat-e-gham ki koi dopahar sahi

lekin maza ke phul banae hue hain hum

mumkin hai thoDi der mein kashti mile hamein

dariya ko apna haal sunae hue hain hum

kaise kahen ki fasl-e-bahaaran na aaegi

aankhon mein kitne KHwab sajae hue hain hum

KHud apni jaan-e-KHasta hi parwana ban gai

kin hasraton ka dip jalae hue hain hum

ma'bud-e-zindagi hi bataega ai 'shamim'

kis kis ka rang aaj uDae hue hain hum