کس ناز سے واہ ہم کو مارا
کس ناز سے واہ ہم کو مارا
کی ترچھی نگاہ ہم کو مارا
سو پیچ میں لا کے آخر کار
اے زلف سیاہ ہم کو مارا
خواہندہ ترے تھے اے پری ہم
کیوں خواہ نہ خواہ ہم کو مارا
کعبے کو جو ہم چلے بتوں نے
کہہ کر گمراہ ہم کو مارا
شکوہ ہمیں کچھ نہیں فلک سے
تو نے اے ماہ ہم کو مارا
چاہ زقن صنم دکھا کر
تو نے اے چاہ ہم کو مارا
ایسے ہیں ضعیف مر گئے ہم
جس نے پر کاہ ہم کو مارا
اس کی زلف دراز نے شب
قصۂ کوتاہ ہم کو مارا
شمشیر نگہ سے اس نے بے موت
خالق ہے گواہ ہم کو مارا
بوسہ کی طلب میں اس نے گویاؔ
نا کردہ گناہ ہم کو مارا
مأخذ:
Ghazal Usne Chhedi(2) (Pg. 242)
- مصنف: Farhat Ehsas
-
- اشاعت: 2017
- ناشر: Rekhta Books
- سن اشاعت: 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
