kis pe qurban kise yaad hue the hum bhi

kis pe qurbān kise yaad hue the ham bhī

yaad itnā hai ki barbād hue the ham bhī

un dinoñ bhī the kahāñ ma.anī-o-alfāz baham

lab-e-ḳhāmosh se irshād hue the ham bhī

ab to dīvār pe likkhe haiñ ka.ī naam na.e

is hasīñ shahr kī rūdād hue the ham bhī

thā vahāñ peḌ na paanī na parinda koī

kis jale dasht meñ ābād hue the ham bhī

ham nahīñ aise ki ab jashn manā.eñ jhūTe

avval avval to bahut shaad hue the ham bhī

le ga.e saare par-o-bāl uḌā kar kargas

yaad aatā hai ki āzād hue the ham bhī

kis pe qurban kise yaad hue the hum bhi

yaad itna hai ki barbaad hue the hum bhi

un dinon bhi the kahan mani-o-alfaz baham

lab-e-KHamosh se irshad hue the hum bhi

ab to diwar pe likkhe hain kai nam nae

is hasin shahr ki rudad hue the hum bhi

tha wahan peD na pani na parinda koi

kis jale dasht mein aabaad hue the hum bhi

hum nahin aise ki ab jashn manaen jhuTe

awwal awwal to bahut shad hue the hum bhi

le gae sare par-o-baal uDa kar kargas

yaad aata hai ki aazad hue the hum bhi