kis se ab ja ke kahen haal-e-pareshan apna

Abrar Abid

kis se ab ja ke kahen haal-e-pareshan apna

Abrar Abid

MORE BYAbrar Abid

    kis se ab ke kaheñ hāl-e-pareshāñ apnā

    liye phirte haiñ sabhī chaak garebāñ apnā

    juz tire naam ke ubhrī na koī aur sadā

    ham ne chheḌā jo kabhī tār-e-rag-e-jāñ apnā

    phir use mujh koī chāhne vaalā na milā

    vo pashemāñ hai bahut toḌ ke paimāñ apnā

    mere hoñToñ ke tabassum se hirāsāñ ho kar

    ruḳh badal letā hai sail-e-ġham-e-daurāñ apnā

    bāġhbāñ se kabhī ḳhairāt na māñgī ham ne

    mausam-e-gul meñ bhī ḳhālī rahā dāmāñ apnā

    kam se kam jhūTī tasallī se to mahfūz haiñ ham

    ye bhī achchhā hai ki koī nahīñ pursāñ apnā

    apne qadmoñ pe farishtoñ ko jhukā saktā hai

    martaba jaan le 'ābid' agar insāñ apnā

    kis se ab ja ke kahen haal-e-pareshan apna

    liye phirte hain sabhi chaak gareban apna

    juz tere nam ke ubhri na koi aur sada

    hum ne chheDa jo kabhi tar-e-rag-e-jaan apna

    phir use mujh sa koi chahne wala na mila

    wo pasheman hai bahut toD ke paiman apna

    mere honTon ke tabassum se hirasan ho kar

    ruKH badal leta hai sail-e-gham-e-dauran apna

    baghban se kabhi KHairaat na mangi hum ne

    mausam-e-gul mein bhi KHali raha daman apna

    kam se kam jhuTi tasalli se to mahfuz hain hum

    ye bhi achchha hai ki koi nahin pursan apna

    apne qadmon pe farishton ko jhuka sakta hai

    martaba jaan le 'abid' agar insan apna

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY