kis se ThanDak hai ki ye sab hain jalane wale

Dattatriya Kaifi

kis se ThanDak hai ki ye sab hain jalane wale

Dattatriya Kaifi

MORE BY Dattatriya Kaifi

    kis se ThanDak hai ki ye sab haiñ jalāne vaale

    naale aahoñ se sivā aag lagāne vaale

    ba.ad murdan to huā soz-e-mohabbat paidā

    vo mirī qabr pe haiñ sham.a jalāne vaale

    koThe par chaḌh ke uḌāyā na kareñ aap patañg

    Dore Dāleñ na kahīñ yaar uḌāne vaale

    kyūñki māshūqoñ ke va.adoñ pe hayā karte the

    bhole-bhāle the bahut agle zamāne vaale

    uḌtī chiḌiyāñ koī kyā pakḌegā un ke aage

    achchhe-achchhoñ ko haiñ chuTkī meñ uḌāne vaale

    ham jo kahte haiñ ki marte haiñ to farmāte haiñ

    aise dekhe haiñ bahut jaan se jaane vaale

    le ke dil aañkh bhī to ham se milāte vo nahīñ

    the mire dil tarah din bhī ye aane vaale

    kis se ThanDak hai ki ye sab hain jalane wale

    nale aahon se siwa aag lagane wale

    baad murdan to hua soz-e-mohabbat paida

    wo meri qabr pe hain shama jalane wale

    koThe par chaDh ke uDaya na karen aap patang

    Dore Dalen na kahin yar uDane wale

    kyunki mashuqon ke wadon pe haya karte the

    bhole-bhaale the bahut agle zamane wale

    uDti chiDiyan koi kya pakDega un ke aage

    achchhe-achchhon ko hain chuTki mein uDane wale

    hum jo kahte hain ki marte hain to farmate hain

    aise dekhe hain bahut jaan se jaane wale

    le ke dil aankh bhi to hum se milate wo nahin

    the mere dil ki tarah din bhi ye aane wale

    Source:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY