kis zabāñ se shikva-e-jaur-e-sitam-ārā kareñ
jis ko achchhā kah chuke us kī burā.ī kyā kareñ
un se jab pūchhā gayā bismil tumhāre kyā kareñ
hañs ke bole zaḳhm-e-dil dekhā kareñ royā kareñ
ho ke ġhash jalve se naql-e-hazrat-e-mūsā kareñ
aap agar parda uThā bhī deñ to ham pardā kareñ
husn se va.ada-ḳhilāfī ishq se taubā kareñ
diin ke bhī hoñ bure duniyā ko bhī rusvā kareñ
kam se kam aisī to kuchh tadbīr kar ai jazb-e-ishq
vo hameñ dekheñ na dekheñ ham unheñ dekhā kareñ
ik zamāna ho rahā hai ishq meñ ham se ḳhilāf
kis ke kis ke dil meñ dil Dāleñ ilāhī kyā kareñ
har taraf zindāñ kī dīvāroñ pe hai tasvīr-e-dost
ab jidhar chāheñ asīrān-e-sitam sajda kareñ
vaah kyā achchhā taqāzā vaah kyā insāf hai
dard to deñ aap aur tāsīr ham paidā kareñ
hazrat-e-'manzar' nahīñ haiñ vā.izo is rañg ke
aaj mai-ḳhvārī kareñ kal baiTh kar taubā kareñ
kis zaban se shikwa-e-jaur-e-sitam-ara karen
jis ko achchha kah chuke us ki burai kya karen
un se jab puchha gaya bismil tumhaare kya karen
hans ke bole zaKHm-e-dil dekha karen roya karen
ho ke ghash jalwe se naql-e-hazrat-e-musa karen
aap agar parda uTha bhi den to hum parda karen
husn se wada-KHilafi ishq se tauba karen
din ke bhi hon bure duniya ko bhi ruswa karen
kam se kam aisi to kuchh tadbir kar ai jazb-e-ishq
wo hamein dekhen na dekhen hum unhen dekha karen
ek zamana ho raha hai ishq mein hum se KHilaf
kis ke kis ke dil mein dil Dalen ilahi kya karen
har taraf zindan ki diwaron pe hai taswir-e-dost
ab jidhar chahen asiran-e-sitam sajda karen
wah kya achchha taqaza wah kya insaf hai
dard to den aap aur tasir hum paida karen
hazrat-e-'manzar' nahin hain waizo is rang ke
aaj mai-KHwari karen kal baiTh kar tauba karen
Source:
ManzaristanáDeewan-e-Manzarâ (Pg. ebook-36 page-35 )
-
Author:
Syed Jafar Husain Manzar Lakhnawi
-
- Edition: 1962
- Publisher: Shiri Tulshi Ram Vesh
- Year of Publication: 1962
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.