kisi aaine pe main phir nazar nahin kar saka

kisī aa.ine pe maiñ phir nazar nahīñ kar sakā

tire baa'd koī bhī 'ishq asar nahīñ kar sakā

use ḳhaak par se guzarnā kitnā muhāl thā

tire ḳhvāb par jo guzar-basar nahīñ kar sakā

maiñ palaT ke aayā to baaġh ḳhālī milā mujhe

mirā intizār koī shajar nahīñ kar sakā

shab-e-hijr jaisī ravāñ thī vaisī ravāñ rahī

maiñ koī bhī lahr idhar udhar nahīñ kar sakā

koī tum se duur bhī thā tumhāre huzūr bhī

magar is tarah ki tumheñ ḳhabar nahīñ kar sakā

'ajab intishār-e-suḳhan meñ thā tire rū-barū

so maiñ apnī baat ko muḳhtasar nahīñ kar sakā

mujhe phir bhī dil ke hī qāfile meñ ginā gayā

maiñ agarche dil kī tarah safar nahīñ kar sakā

kisi aaine pe main phir nazar nahin kar saka

tere ba'd koi bhi 'ishq asar nahin kar saka

use KHak par se guzarna kitna muhaal tha

tere KHwab par jo guzar-basar nahin kar saka

main palaT ke aaya to bagh KHali mila mujhe

mera intizar koi shajar nahin kar saka

shab-e-hijr jaisi rawan thi waisi rawan rahi

main koi bhi lahr idhar udhar nahin kar saka

koi tum se dur bhi tha tumhaare huzur bhi

magar is tarah ki tumhein KHabar nahin kar saka

'ajab intishaar-e-suKHan mein tha tere ru-baru

so main apni baat ko muKHtasar nahin kar saka

mujhe phir bhi dil ke hi qafile mein gina gaya

main agarche dil ki tarah safar nahin kar saka