kisi bhi ghair ko sochen to nind jati hai

kisī bhī ġhair ko socheñ to niiñd jaatī hai

tujhe bhī sochne baiTheñ to niiñd jaatī hai

tire ḳhayāl se nikleñ to aañkh khul jaa.e

tire ḳhayāl meñ Dūbeñ to niiñd jaatī hai

hamārī āñkhoñ meñ khone kā Dar hai yuuñ qābiz

kisī kā ḳhvāb bhī dekheñ to niiñd jaatī hai

ham us kī yaad meñ ik 'umr se nahīñ so.e

aur us ko bhūlnā chāheñ to niiñd jaatī hai

'ajīb haal hai tanhā badan bhī hai be-chain

kisī ko dost banā.eñ to niiñd jaatī hai

ki rotī āñkheñ ba-har-hāl so nahīñ saktīñ

aur in ko rone se rokeñ to niiñd jaatī hai

ham us ke paas raheñ to bhī niiñd aatī nahīñ

ham us se duur bhī jaa.eñ to niiñd jaatī hai

tumhāre zikr se parhez is liye hai hameñ

tumhārā naam bhī sun leñ to niiñd jaatī hai

kisi bhi ghair ko sochen to nind jati hai

tujhe bhi sochne baiThen to nind jati hai

tere KHayal se niklen to aankh khul jae

tere KHayal mein Duben to nind jati hai

hamari aankhon mein khone ka Dar hai yun qabiz

kisi ka KHwab bhi dekhen to nind jati hai

hum us ki yaad mein ek 'umr se nahin soe

aur us ko bhulna chahen to nind jati hai

'ajib haal hai tanha badan bhi hai be-chain

kisi ko dost banaen to nind jati hai

ki roti aankhen ba-har-haal so nahin saktin

aur in ko rone se roken to nind jati hai

hum us ke pas rahen to bhi nind aati nahin

hum us se dur bhi jaen to nind jati hai

tumhaare zikr se parhez is liye hai hamein

tumhaara nam bhi sun len to nind jati hai