کسی کا گھر نہیں دیکھا کوئی رشتہ نہیں دیکھا

کسی کا گھر نہیں دیکھا کوئی رشتہ نہیں دیکھا

ہوس کی آگ نے بچہ ہو یا بوڑھا نہیں دیکھا

جسے ہم خواب غفلت میں گنوا بیٹھے ہیں مدت سے

دوبارہ چاہ کر بھی اپنا وہ قبلہ نہیں دیکھا

جو قرباں ہو گیا اک خواب کی تکمیل کی خاطر

کسی نے پھر کبھی ایسا کوئی بیٹا نہیں دیکھا

نہ جانے کتنے کمسن ہیں یہاں احساس کے مارے

جنہوں نے آج تک اسکول کا بستہ نہیں دیکھا

مہکتا ہے شبستان وجود اپنا زمانے سے

میں کیا ہوں کون ہوں تم نے مرا شجرہ نہیں دیکھا

وہ کیا جانیں کسے بالا قدی کہتے ہیں دنیا میں

جنہوں نے اپنے قد سے آج تک اونچا نہیں دیکھا