kisi ka kaam dil is charKH se hua bhi hai

Taban Abdul Hai

kisi ka kaam dil is charKH se hua bhi hai

Taban Abdul Hai

MORE BYTaban Abdul Hai

    kisī kaam dil is charḳh se huā bhī hai

    koī zamāne meñ ārām se rahā bhī hai

    kisī meñ mehr-o-mohabbat kahīñ vafā bhī hai

    koī kisī zamāne meñ āshnā bhī hai

    koī falak sitam mujh se bach rahā bhī hai

    janā nasīb koī mujh dūsrā bhī hai

    burā na māniyo maiñ pūchhtā huuñ ai zālim

    ki be-kasoñ ke satā.e se kuchh bhalā bhī hai

    jo puḳhta-maġhz haiñ ve soz-e-dil nahīñ kahte

    kisī ne sham.a se jalne meñ kuchh sunā bhī hai

    tum is qadar jo niDar ho ke zulm karte ho

    butāñ hamārā tumhārā koī ḳhudā bhī hai

    qātiloñ se lagātā hai dil ko kyuuñ 'tābāñ'

    ki un ke haath se jiitā koī bachā bhī hai

    kisi ka kaam dil is charKH se hua bhi hai

    koi zamane mein aaram se raha bhi hai

    kisi mein mehr-o-mohabbat kahin wafa bhi hai

    koi kisi ka zamane mein aashna bhi hai

    koi falak ka sitam mujh se bach raha bhi hai

    jana nasib koi mujh sa dusra bhi hai

    bura na maniyo main puchhta hun ai zalim

    ki be-kason ke satae se kuchh bhala bhi hai

    jo puKHta-maghz hain we soz-e-dil nahin kahte

    kisi ne shama se jalne mein kuchh suna bhi hai

    tum is qadar jo niDar ho ke zulm karte ho

    butan hamara tumhaara koi KHuda bhi hai

    tu qatilon se lagata hai dil ko kyun 'taban'

    ki un ke hath se jita koi bacha bhi hai

    Source :
    • Deewan-e-Taban Rekhta Website)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY