kisi ke ishq ka ye mustaqil aazar kya kahna

kisī ke ishq kā ye mustaqil āzār kyā kahnā

mubārak ho dil-mahzūñ tirā īsār kyā kahnā

na karte iltijā dīdār kī muusā to kyā karte

chalā aatā hai kab se vāda-e-dīdār kyā kahnā

vahī kartā huuñ jo kuchh likh chuke mere muqaddar meñ

magar phir bhī huuñ apne fel kā muḳhtār kyā kahnā

qadam uThte hī dil par ik qayāmat biit jaatī hai

dam-e-gulgasht us kī shoḳhi-e-raftār kyā kahnā

shab-e-hijrāñ pe merī rashk aatā hai sitāroñ ko

bharam tujh se hai merā dīda-e-bedār kyā kahnā

tire naġhmoñ se 'vāsif' ahl-e-dil masrūr hote haiñ

ba-īñ afsurdagī rañgīni-e-guftār kyā kahnā

kisi ke ishq ka ye mustaqil aazar kya kahna

mubarak ho dil-mahzun tera isar kya kahna

na karte iltija didar ki musa to kya karte

chala aata hai kab se wada-e-didar kya kahna

wahi karta hun jo kuchh likh chuke mere muqaddar mein

magar phir bhi hun apne fel ka muKHtar kya kahna

qadam uThte hi dil par ek qayamat bit jati hai

dam-e-gulgasht us ki shoKHi-e-raftar kya kahna

shab-e-hijran pe meri rashk aata hai sitaron ko

bharam tujh se hai mera dida-e-bedar kya kahna

tere naghmon se 'wasif' ahl-e-dil masrur hote hain

ba-in afsurdagi rangini-e-guftar kya kahna