kisi KHamosh chehre par wo itminan ka manzar

Tahir Adeem

kisi KHamosh chehre par wo itminan ka manzar

Tahir Adeem

MORE BYTahir Adeem

    kisī ḳhāmosh chehre par vo itmīnān manzar

    jigar ko kāTtā hai ab bhī qabristān manzar

    azāb-e-shiddat-e-karb-e-judā.ī ko vo kyā jaane

    ki dekhā na ho jis ne nikaltī jaan manzar

    uThī kursī kaTā sabza gire patte uḌī chiḌiyāñ

    tumhāre ba.ad kyā se kyā huā dālān manzar

    kahāñ huuñ kaun huuñ ye pūchhtā phirtā huuñ logoñ se

    ki mujh se kho gayā shāyad mirī pahchān manzar

    darīda-naqsh zaḳhmī lafz larzīda qatāroñ meñ

    lahū meñ kis ne rangā hai mire dīvān manzar

    hamāre qatl par chashm-e-falak meñ ḳhuun utregā

    fazāoñ meñ sajegā surḳh se tūfān manzar

    nahā ke pyaar bārish meñ us ne dhuup jab pahnī

    nazar meñ ghul gayā qaus-e-quzah ke thaan manzar

    darūn-e-zehn jab zebā.ish-e-afkār na ho

    gharoñ meñ kyā hai phir ārā.ish-e-sāmān manzar

    vo jitne diip andar haiñ vo āñkhoñ meñ jalte haiñ

    aur āñkheñ dikhātī haiñ dil-e-vīrān manzar

    samajhtā huuñ tirī saarī kahānī maiñ ki kyā hogī

    hai dikhne meñ agar aisā tire unvān manzar

    bharī duniyā 'tāhir' chappa chappa chhān maarā hai

    nahīñ paayā kahīñ bhī shahr-e-pākistān manzar

    kisi KHamosh chehre par wo itminan ka manzar

    jigar ko kaTta hai ab bhi qabristan ka manzar

    azab-e-shiddat-e-karb-e-judai ko wo kya jaane

    ki dekha hi na ho jis ne nikalti jaan ka manzar

    uThi kursi kaTa sabza gire patte uDi chiDiyan

    tumhaare baad kya se kya hua dalan ka manzar

    kahan hun kaun hun ye puchhta phirta hun logon se

    ki mujh se kho gaya shayad meri pahchan ka manzar

    darida-naqsh zaKHmi lafz larzida qataron mein

    lahu mein kis ne ranga hai mere diwan ka manzar

    hamare qatl par chashm-e-falak mein KHun utrega

    fazaon mein sajega surKH se tufan ka manzar

    naha ke pyar ki barish mein us ne dhup jab pahni

    nazar mein ghul gaya qaus-e-quzah ke than ka manzar

    darun-e-zehn jab zebaish-e-afkar hi na ho

    gharon mein kya hai phir aaraish-e-saman ka manzar

    wo jitne dip andar hain wo aankhon mein hi jalte hain

    aur aankhen hi dikhati hain dil-e-viran ka manzar

    samajhta hun teri sari kahani main ki kya hogi

    hai dikhne mein agar aisa tere unwan ka manzar

    bhari duniya ka 'tahir' chappa chappa chhan mara hai

    nahin paya kahin bhi shahr-e-pakistan ka manzar

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now