kisi ko Khaar kisi sans ko babul kiya

kisī ko ḳhaar kisī saañs ko babūl kiyā

jo ham ne kār-e-mohabbat kiyā fuzūl kiyā

hamesha ḳhaak uḌaa.ī hai rāstoñ ne mirī

is intizār kī shiddat ne mujh ko dhuul kiyā

sajā ke rakh diyā kāñTā bhī mere pahlū meñ

kisī bahār ne mujh ko kabhī jo phuul kiyā

rah-e-hayāt meñ āsā.ishoñ ko Thukrā kar

tumhāre dard ko maiñ ne sadā qubūl kiyā

hamesha phūloñ ko badlā hai ḳhār-o-ḳhas meñ 'nabīl'

kisī bhī ḳhaar ko lekin kabhī na phuul kiyā

kisi ko KHar kisi sans ko babul kiya

jo hum ne kar-e-mohabbat kiya fuzul kiya

hamesha KHak uDai hai raston ne meri

is intizar ki shiddat ne mujh ko dhul kiya

saja ke rakh diya kanTa bhi mere pahlu mein

kisi bahaar ne mujh ko kabhi jo phul kiya

rah-e-hayat mein aasaishon ko Thukra kar

tumhaare dard ko main ne sada qubul kiya

hamesha phulon ko badla hai KHar-o-KHas mein 'nabil'

kisi bhi KHar ko lekin kabhi na phul kiya