kisi ko tere siwa yaad kyon nahin karta
kisī ko tere sivā yaad kyoñ nahīñ kartā
mirī tarah mirā ham-zād kyoñ nahīñ kartā
ḳhudā bhī ḳhalq-e-ḳhudā kī tarah ḳhafā to nahīñ
pukārtā huuñ to imdād kyoñ nahīñ kartā
savāl kartā hai har roz mujh se 'aks mirā
tū kaun hai mujhe āzād kyoñ nahīñ kartā
sukūt-e-shab hai ye shor-e-sahar se TūTegā
ḳhudā ke sāmne fariyād kyoñ nahīñ kartā
ab āsmān kahāñ tak sune zamīn kā dukh
ye kaam koī zamīñ-zād kyoñ nahīñ kartā
kisi ko tere siwa yaad kyon nahin karta
meri tarah mera ham-zad kyon nahin karta
KHuda bhi KHalq-e-KHuda ki tarah KHafa to nahin
pukarta hun to imdad kyon nahin karta
sawal karta hai har roz mujh se 'aks mera
tu kaun hai mujhe aazad kyon nahin karta
sukut-e-shab hai ye shor-e-sahar se TuTega
KHuda ke samne fariyaad kyon nahin karta
ab aasman kahan tak sune zamin ka dukh
ye kaam koi zamin-zad kyon nahin karta
- Book : Ek Shaam Tumhare Hisse Ki (Pg. 73)
- Author : Kashif Husain Ghair
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
