kisi manzil ka asar jaanib-e-dil khinchta hai

kisī manzil kā asar jānib-e-dil khīñchtā hai

ek anjān safar jānib-e-dil khīñchtā hai

chāñd sūraj hī batā.eñge kabhī merā vujūd

kaun ye shām-o-sahar jānib-e-dil khīñchtā hai

kaisī vahshat hai jo dīvāna banā.e hai mujhe

shaam hote hī ye Dar jānib-e-dil khīñchtā hai

be-dayārī mirī qismat meñ likhī hai lekin

be-gharī meñ koī ghar jānib-e-dil khīñchtā hai

sarfaroshān-e-mohabbat kī kashish mat pūchho

zer-e-shamshīr vo sar jānib-e-dil khīñchtā hai

jis se ḳhvāboñ meñ bhī mumkin nahīñ milnā 'resham'

haa.e vo shaḳhs magar jānib-e-dil khīñchtā hai

kisi manzil ka asar jaanib-e-dil khinchta hai

ek anjaan safar jaanib-e-dil khinchta hai

chand suraj hi bataenge kabhi mera wujud

kaun ye sham-o-sahar jaanib-e-dil khinchta hai

kaisi wahshat hai jo diwana banae hai mujhe

sham hote hi ye Dar jaanib-e-dil khinchta hai

be-dayari meri qismat mein likhi hai lekin

be-ghari mein koi ghar jaanib-e-dil khinchta hai

sarfaroshan-e-mohabbat ki kashish mat puchho

zer-e-shamshir wo sar jaanib-e-dil khinchta hai

jis se KHwabon mein bhi mumkin nahin milna 'resham'

hae wo shaKHs magar jaanib-e-dil khinchta hai