کسی موسم کی وہ باتیں جو تیری یاد کرتا ہوں
کسی موسم کی وہ باتیں جو تیری یاد کرتا ہوں
انہیں باتوں کو پھر پھر کہہ دل اپنا شاد کرتا ہوں
نہیں معلوم مجھ پر بھی یہ احوال اپنی زاری کا
کہ میں مثل جرس کس کے لئے فریاد کرتا ہوں
یہ دل کچھ آپھی ہو جاتا ہے بند اور آپھی کھلتا ہے
نہ میں قید اس کو کرتا ہوں نہ میں آزاد کرتا ہوں
جگر جل کر ہوا ہے خاک اور تس پر میں آہوں سے
جو کچھ باقی رہے ہے گرد سو برباد کرتا ہوں
غبار دل کو آب تیغ سے اس کے ملا کر میں
نئے سر سے عمارت دل کی پھر بنیاد کرتا ہوں
مرے آباد دل کو کر خراب اس نے کہا ہنس ہنس
کہ میں اس ملک کا نام اب خراب آباد کرتا ہوں
کبھی تیرے بھی دل میں یہ گزرتی ہے کہ میں ناحق
بھلا دل پر حسنؔ کے اتنی کیوں بیداد کرتا ہوں
مأخذ:
Deewan-e-Meer Hasan (Pg. 64)
- مصنف: میر حسن
-
- اشاعت: 1912
- ناشر: منشی نول کشور، لکھنؤ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
