aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kisi ne kar liya ahd-e-wafa malum hota hai

Ashraf Baqri

kisi ne kar liya ahd-e-wafa malum hota hai

Ashraf Baqri

MORE BYAshraf Baqri

    kisī ne kar liyā ahd-e-vafā ma.alūm hotā hai

    huā hai dard apnī ḳhud davā ma.alūm hotā hai

    tire saf.he pe hastī ye likhā ma.alūm hotā hai

    ki insāñ ik musāfir hai thakā ma.alūm hotā hai

    idhar yādeñ tirī haiñ aur udhar dil rageñ TuuTī

    bichhaḌtā ek se ab dūsrā ma.alūm hotā hai

    vahī yādeñ haiñ lekin kaifiyat hai dūsrī dil

    vahī hai dard bhī lekin judā ma.alūm hotā hai

    kisī sūrat nahīñ baḌhte qadam ab sū-e-manzil ko

    koī kāñTā hai pairoñ meñ chubhā ma.alūm hotā hai

    tirī yādoñ se tanhā.ī meñ taskīñ dil ko hotī hai

    diyā hai dard aisā jo davā ma.alūm hotā hai

    zamāne ke ġhamoñ ke saath hai dil meñ tarah ġham bhī

    magar har ġham se terā ġham judā ma.alūm hotā hai

    bhaḌakte haiñ tirī yādoñ ke sho.ale har nafas dil meñ

    makāñ ik duur se jaltā huā ma.alūm hotā hai

    muqābil aate un vo āñkheñ DabDabā.ī

    mujhe ab ahd-o-paimāñ TūTtā ma.alūm hotā hai

    zamāne ke sitam haiñ aur dil meñ terī yādeñ haiñ

    bujhā degī havā shāyad diyā ma.alūm hotā hai

    pareshāñ dard terā ho gayā dil meñ mire aa kar

    makāñ meñ ye makīñ shāyad nayā ma.alūm hotā hai

    nigāh-e-ḳhās terī ho ga.ī shāyad nazar mujh par

    jigar meñ dard mujh ko phir sivā ma.alūm hotā hai

    na koī zikr hai terā na terā naam hai lab par

    magar mushkil meñ ye dil mubtalā ma.alūm hotā hai

    vahī yādeñ haiñ lekin dil shagufta ab nahīñ hotā

    vahī hai saaz lekin be-sadā mālūm hotā hai

    nahīñ hai dil meñ aur yādoñ meñ maanā rabt vo baaqī

    magar ik dard hai jo silsila ma.alūm hotā hai

    vahī tābāniyāñ 'ashraf' haiñ tere azm ab bhī

    ba-zāhir harf hai to aur miTā ma.alūm hotā hai

    kisi ne kar liya ahd-e-wafa malum hota hai

    hua hai dard apni KHud dawa malum hota hai

    tere safhe pe hasti ye likha malum hota hai

    ki insan ek musafir hai thaka malum hota hai

    idhar yaaden teri hain aur udhar dil ki ragen TuTi

    bichhaDta ek se ab dusra malum hota hai

    wahi yaaden hain lekin kaifiyat hai dusri dil ki

    wahi hai dard bhi lekin juda malum hota hai

    kisi surat nahin baDhte qadam ab su-e-manzil ko

    koi kanTa hai pairon mein chubha malum hota hai

    teri yaadon se tanhai mein taskin dil ko hoti hai

    diya hai dard aisa jo dawa malum hota hai

    zamane ke ghamon ke sath hai dil mein tarah gham bhi

    magar har gham se tera gham juda malum hota hai

    bhaDakte hain teri yaadon ke shoale har nafas dil mein

    makan ek dur se jalta hua malum hota hai

    muqabil aate hi un ki wo aankhen DabDabai si

    mujhe ab ahd-o-paiman TuTta malum hota hai

    zamane ke sitam hain aur dil mein teri yaaden hain

    bujha degi hawa shayad diya malum hota hai

    pareshan dard tera ho gaya dil mein mere aa kar

    makan mein ye makin shayad naya malum hota hai

    nigah-e-KHas teri ho gai shayad nazar mujh par

    jigar mein dard mujh ko phir siwa malum hota hai

    na koi zikr hai tera na tera nam hai lab par

    magar mushkil mein ye dil mubtala malum hota hai

    wahi yaaden hain lekin dil shagufta ab nahin hota

    wahi hai saz lekin be-sada malum hota hai

    nahin hai dil mein aur yaadon mein mana rabt wo baqi

    magar ek dard hai jo silsila malum hota hai

    wahi tabaniyan 'ashraf' hain tere azm ki ab bhi

    ba-zahir harf hai to aur miTa malum hota hai

    Source:

    Kharashein (Pg. 102)

    • Author: Ashraf Baqri
      • Publisher: Ashraf Baqri
      • Year of Publication: 1997
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now